|
Advertisement
|
काठमाडौं : नेपाल वायुसेवा निगमले अन्तर्राष्ट्रिय उडानका
निम्ति चारवटा जहाज खरिद गर्न ३७ अर्ब रुपैयाँ माग गरेको छ।
निगमले दुईवटा वाइडबडी खरिद गर्न २५ अर्ब रुपैयाँ र दुईवटा
न्यरोबडीका लागि १२ अर्ब रुपैयाँ माग गरेको निगम सञ्चालक
समितिका अध्यक्ष एवं पर्यटन सचिव दिनेशकुमार थपलियाले
जानकारी दिए ।
उनका अनुसार निगमले तयार पारेको तीनवर्षे सुधार
कार्ययोजनाअनुसार जहाज खरिद पहिलो प्राथमिकतामा छ ।
निगमले तीन वर्षभित्रमा नै दुईवटा वाइबडी खरिद गर्ने निर्णय एक
साताअगाडिको निगम सञ्चालक समितिको बैठकबाट गरिसकेको
छ ।
यो निर्णय निगमले तालुक मन्त्रालय संस्कृति, पर्यटन तथा
नागरिक हुँदै अर्थमा पेस गरेको छ । अर्थको सहमति पाएपछि यो
प्रस्ताव मन्त्रिपरिषद्मा पेस हुनेछ । मन्त्रिपरिषद्बाट निर्णय
भएपछि जहाज खरिद प्रक्रिया अगाडि बढ्ने भएकाले पनि धेरै
हल्ला नगरी काम नै गर्ने भनेर प्रक्रिया अगाडि बढाएको सचिव
थपलियाले बताए ।
निगमले एअरबसको अहिले उडान गरेकै ए३२०–२०० सिरिजका दुई
सय ५० सिट क्षमताभन्दा माथिका वाइडबडी खरिद गर्ने निर्णय
गरेको छ । हाल उडानमा रहेका दुईवटा न्यरोबडी एक सय ५६
सिट क्षमताका छन् ।
यही क्षमतामा थप दुईवटा जहाज
एअरबसकै जहाज खरिद गर्नेगरी निगमले निर्यण गरेको पनि उनले
बताए ।
पाँच हेलिकोप्टर पनि किन्ने
निगमले दुर्गम क्षेत्रका जनताको सुविधाका निम्ति यात्रु तथा
कार्गो सेवा प्रदान गर्न पाँचवटा नयाँ हेलिकोप्टर खरिदको
तयारी गर्ने निर्णय गरेको छ । निगमले यसअघि हेलिकोप्टरको
सम्भाव्यता अध्ययन गर्न समितिसमेत गठन गरेको थियो । निजी
क्षेत्रको एकाधिकार तोड्न पनि हेलिकोप्टर खरिद गनुपर्ने
देखिएकाले आवश्यक तयारी गर्ने निर्णय भएको थपलियाले बताए
।
भूकम्पपछिको पुनर्निर्माणको काममा कम्तीमा चारपाँच वर्ष
प्रयोग गर्न सकिने, हरेक गाविसमा एक हेलिप्याड बनाउने सरकारी
नीतिले हेलिकोप्टर सेवा गाउँगाउँमा आवश्यक भएको महसुस
भएको छ । दुर्गम क्षेत्रमा यात्रु सेवा दिनुपर्ने भएकोले पनि
हेलिकोप्टर आवश्यक भएको थपलियाले बताए ।
एमआई १७ क्षमताको ठूलो हेलिकोप्टर खरिद गरिने उनको भनाइ
छ । यस्तो हेलिकोप्टरले विकास निर्माणको काम गर्न, २०/२२
जना यात्रु बोक्न वा दुर्गम क्षेत्रका जतनाको लागि यात्रु तथा
कार्गो सेवा प्रदान गर्न सकिन्छ । निगमले २०४० सालअगाडि पनि
हेलिकोप्टर सेवा दिएको थियो ।
निगमले तयार पार्यो सुधार कार्ययोजना
वायुसेवा निगमले तीनवर्षे सुधार कार्ययोजना तयार पारेको छ ।
निगमले आइतबारको बैठकले स्वीकृत गरेको जहाज खरिद, निगम
सुधारका विभिन्न पक्षसहितको योजना सोमबार पत्रकार
सम्मेलन आयोजना गरेर सार्वजनिक गर्ने भएको छ ।
निगमको आन्तरिक सुधार, आगामी रणनीति तथा तत्काल र
दीर्घकालीन महत्वका लागि हुने कामको गतिविधिसहित तयार
भएको निगम सुधार कार्ययोजना पहिलोपटक तय भएको
थपलियाले बताए । यो योजनामा निगमका कर्मचारीको
व्यवस्थापन, आवश्यक दक्ष र प्राविधिक जनशक्तिको
आवश्यकताअनुसार आउटसोर्सिङ, निगमको आर्थिक पारदर्शिता,
निगम सुधारको निम्ति स्पष्ट कानुनी व्यवस्थासहितको विषय
समेटेर सुधार योजना तय भएको छ ।
यो योजनामा अन्तर्राष्ट्रिय गन्तव्य देशमा जनरल सेल्स एजेन्ट्स
नियुक्ति, जहाज ग्राउन्डेड हुँदा खरिद हुने आवश्यक उपकरणको
तत्काल खरिद, भएकै जहाजको पूर्ण क्षमतामा प्रयोग,
अन्तर्राष्ट्रिय उडान र आन्तरिक उडानका लागि जहाज खरिद
तथा हेलिकोप्टर सेवासहितको योजनालाई समेटेर निगमले सुधार
योजना तय गरेको हो । अनलाइन टिकटको व्यवस्था तथा
अनलाइन टेन्डर प्रणालीसहितका विषयलाई प्राथमिकता दिनेगरी
सुधार योजना तय भएको निगमले जानकारी दिएको छ ।
योजनामा पहिलो प्राथमिकता दुईवटा वाइडबडीको खरिद नै
भएको निगमले जनाएको छ । सरकारले आवश्यक रकम जोहो
गरिदिने हो भने जहाज सजिलै ल्याउन सक्ने दाबी निगमको छ ।
निगमले वाइडबडीको निम्ति आवश्यक रकम जोहो गरिदिन अर्थ
मन्त्रालयमा प्रस्ताव पठाइसकेको छ भने न्यारोबडीका लागि
सोमबार पठाउने भएको छ । निगमले आफ्नो पुरानो गन्तवमा
मात्रै उडान गर्ने हो भने पनि नाफा गर्न सक्छ । नयाँ गन्तव्यमा
जाने हो भने पनि जहाज उडाएर नाफा गर्न सकिने आधार प्रशस्तै
रहेको निगमले जानकारी दिएको छ ।
Annapurna Post बत
|
Advertisement
|
0 comments
प्रतिक्रिया दिनुहोस्...